蘋果新聞 Apple Daily – 【錢銀實驗室】 一碌光棍呈獻：拍拖日使$800實錄
孤家寡人無拖拍不用愁，凡事總有好的一面！最少，於儲蓄方面，光棍可算是贏在起跑線，事關香港拍拖使費的確唔平。
《錢銀實驗室》今次直擊情侶Ray及Stephenie，慶祝相識一週年大日子，為他們全程「計數」！
全日行程包括一餐午餐、Art Jamming以及乘坐摩天輪（*拍攝當天以舊票價計算），僅三個活動，消費已達八百多元。平時慳家的他們，自言今次「算係使得好豪」，加上放假多行山，一天的拍拖消費最平僅二三百元。不過「豪使」不代表一切，他們坦言，開心程度其實與平時相若。Ray及 Stephenie是次的消費，跟早前德意志銀行公佈了全球物價指數調查結果相近，德銀統計了47個城市的花費，其中香港屬亞洲「拍拖成本」第二高消費城市，平均拍一次拖二人須花費110.8美金（即約865港元）。約會使費包含的士費、兩份午餐或晚餐、飲品、兩張戲票和兩杯啤酒的價錢作統計。
「出街多數睇吓戲，香港始終太多商場一式一樣，好似行嚟行去都係嗰啲地方。」正正因為厭倦了都市的沉悶，Ray及 Stephenie閒時喜歡在香港山上捐窿捐罅，尋找世外桃源。「我絕對接受唔到淨係男朋友畀晒錢！」Stephenie認為拍拖過程兩人同樣可以享受得到，所以使費單方面付出並不公平，平時出街拍拖或是去旅遊，慣常都是一人一半平分費用，「不過男友常會爭畀錢。」她笑說。Lunch Actually約會平台公司香港區總經理Zoie則指出香港女性都有獨立的經濟能力，對比其他亞洲城市，最不介意與伴侶分擔使費，「反而因為生活指數高，例如買樓的負擔等，著重搵到較好的收入。」入正題，光棍是如何「其實自己一個儲錢更開心」呢？《錢銀實驗室》假設一對情侶一個月約會四次，每次消費共814.9元（以上述情侶消費費用為例），一年使費未計及特別日子已達39,115元，十年成本最少為39萬餘元。$814.9 x 4次 x 12個月 x 10年=$391,152假設將十年拍拖成本以月供股票形式投資騰訊（700），截至今年十月底便擁有29手騰訊，價值超過100萬元，扣除39萬元成本，賬面回報賺63萬元！即使是投資盈富基金（2800），亦可得到逾7萬元的股息，以及勁賺20萬元。《錢銀實驗室》今次畀你睇，冇拖拍時儲錢理財是明智之選，不過，若然閣下覓得真愛，那當然是無價啦！
場地：Piccolo pizza、Choco L'ART Studio、香港摩天輪記者：陳家恩
編審：倪敏慧
攝影：卓振輝﹑方智傑
編導、剪接、後期：方智傑
蘋果新聞 Apple Daily - 【錢銀實驗室】 一碌光棍呈獻：拍拖日使$800實錄
建議文章
97%的香港單身人士渴望著擁有長久關係，但51%的人在今年沒有進行過約會
跨國交友約會公司Lunch Actually 「2019年亞洲及香港單身人士選擇約會對象的年趨勢調查」
跨國交友約會公司Lunch Actually 以香港為首站 推出一站式「閃亮人生」改造計劃